طريقة عمل دجاج كنتاكي

بسم الله الرحمن الرحيم طريقة عمل دجاج كنتاكي 473875453

جبتلكم طريقة عمل دجاج كنتاكى
الكمية تكفي: 4 أشخاص
وقت التحضير: 60 دقيقة
وقت الطهي: 30 دقيقة
المقادير: عدد 1 فرخة كاملة 1/2 كيلو فيلية صدور فراخ 1/4 لتر لبن رايب مقدار دقيق ابيض فاخر مقدار ملح مقدار فلفل اسمر حب مقدار قرنفل مسمار مش مطحون مقدار شطة مقدار بابريكا مقدار حقنة مقدار مياة مثلجة مقدار بصل بودر مقدار ثوم بودر مقدار جنزبيل بودر مقدار مردقوش - زعتر - روزمارى مقدار طرخون - ورق لورا - جنزبيل طازج مقدار سكر ملعقة صغيرة خل ابيض مقدار مقلاة
الطبخ: الطريقة فتوكاتى;
جهزى الفرخة والحقنة ومعجون الشطة معجون الشطة دة هتعملية ازاى اقولك تجيبى معلقة كبيرة شطة بودر حارة مع نص معلقة بابريكا وتحليها بشوية ماية .
بعد ما قطعنا نحقن قطع الفراخ بالشطة تجيبى الحقنة وتشيلى الابرة ترميها وتحقنى بين العظم واللحم ازاى هتجيبى اى طرف مدبب معلقة او سكينة وتعملى فتحة غويطة بين العظم واللحم وتدخلى الحقنة وتحقنىيها شطة
وميمنعش تحقنى تحت الجلد بس شوية صغيرين ومش تنسى تحقنى الجناح كمان حلو اوى بصى اى مفصل يقابلك احقنية
هنحط اللبن الرايب
اهم خطوة حبايبى هنغلفها ونحطها فى الثلاجة لمدة لا تقل عن اربع ساعات اوك.
والخطوة اللى بعدها هى الاهم بصوا كدة.
هنطلعها من اللبن الرايب ونصفيها اوك ونشوف اية هو الاهم.
هنحضر التوابل دى يا حلوين
2 ملعقة كبيرة ملح.
1 ملعقة صغيرة سكر.
1 ملعقة صغيرة خل ابيض.
2 ملعقة ثوم بودر.
1 ملعقة بصل بودر .
1 قطعة جنزبيل فريش مقشر.
1 ملعقة فلفل اسمر حب.
4 حبات قرنفل مسمار.
4 ورقات لورا وعود روز مارى .
بعد كدة هنعمل اية بصوا معايا ;
هنحط دة كلة فى الماية المتلجة وعلى التلاجة عدل لمدة اربع ساعات تانين مش تزهقوا المهم انكم تستمتعوا.
بعد كدة اية اللى هيحصل
هنطلع الفرخة من ماية التوابل ونصفيها بعد ما الفراخ اتشبعت بالتوابل اوك حلو كدة نيجى بقى على القرمشة واليكم السر الذى لم يعد سرا بعد الان
نجيب الحاجات دى اللى هى اية بقى ;
م/ص شطة حارة .
م/ص بابريكا.
م/ص ثوم بودر .
م/ص جنزبيل بودر.
م/ص فلفل اسمر مطحون.
م/ص ملح.
م/ص مشكلة من زعتر بودر على طرخون بودر على مردقوش بودر.
ونحطهم على3 كوب كبير دقيق ابيض.
وهنعمل خلطة اسمها تمبورة اكيد عارفينها بس هنا هتتعمل ازاى ماية متلجة اوى يستحسن يكون فيها تلج مع2 كوب دقيق ابيض.
الطبق الاخير دة فية اية فية القرمشة اللى هتخلى الفراخ كنتاكى كنتاكى اوك ودى هنعملها ازاى اقول ولا لا خلاص هقول مش تزعلو
هنجيب طبق فية دقيق ونشقشقة بشوية ماية متلجة وبعد كدة نفركة براحة بصوابعنا هتحسى انو قطع رقيقة كدة جوة الدقيق هتاخدى منة شوية وتحطيهم فى مصفاة وترجيها علشان تتخلصى من الدقيق الزيادة وترصيهم على ورقة والعملية دى بتتكرر كل شوية لانك بتحطى نقط ماية على دقيق كتير وتحطيهم فى المصفاة وهكذا بس معلومة مش تعملى كمية كبيرة من القرمشة وتسبيها ل على طول تحطى الفراخ فى الدقيق وبعد كدة سائل التمبور وبعدين القرمشةكلة ورا بعضة وبعدين فى الزيت مش تركنى حاجة والا كلة هيعجن
نيجى للقلى
هنسخن الزيت على 160 درجة
وهنقلى نص قلي
والسرهنا انك تحطى الغطا لانة لما بيتعرض للهوا بيتلون من برة بس مش بيستوى من جوة والغطا عندى بيسمح بخروج البخار لان برضة لو البخار اتكتم بيحرق الحاجة
بعد ما قلينا نص قلية
هناخد الفراخ ونحطها فى التلاجة علشان ترتاح والمية اللى جوة اللحم تتوزع فى الانسجة تانى انا مش فاكرة ابنى قالى اية بالظبط بخصوص الحتة دى بس تتحط فى التلاجة مش اقل من ساعة او ممكن تسبيها فى التلاجة ووقت ما تحبى تقلى منها خدى منها واقلى
بعد ما قعدت الوقت الكافى فى التلاجة نطلعها بقى علشان نقليها تانى علشان تقرمش

اتمنى ردود طريقة عمل دجاج كنتاكي 2447546618

شكررررا

Admin عدد المساهمات : 55 تاريخ التسجيل : 14/08/2012

عمري

يسلمووووو حبيبتي يا أحلى مديرة أممممواااا

يم يم يم لذيذة طريقة عمل دجاج كنتاكي 2947671144

» طريقة عمل كحك العيد
» طريقة عمل كعك العسل
» طريقة عمل الشوكلاتة
» طريقة عمل كيكة بي الفراولة
» طريقة عمل بسكويت الفانيليا